Die volgende fase van padwerk in die opgradering van Markstraat in die middedorp vereis aanpassings wat die Pacaltsdorp-roetes van die GO GEORGE-busdiens sal beïnvloed. Werk aan die gedeelte van Markstraat tussen Cradock- en Mitchellstraat sal op Vrydag 4 Februarie begin en behoort teen 18 Maart 2022 voltooi te wees indien die weer saamspeel.
Tydelike skuif van Mispel-bushaltes
Die drie Mispel-bushaltes in Markstraat waar Pacaltsdorp-passasiers afklim, sal tydelik een blok nader aan Yorkstraat, tussen Cradock- en Meadestraat, verskuif word. Die tydelike haltes sal duidelik afgebaken word en GO GEORGE-passasiersdiensbeamptes sal aanvanklik in die gebied wees om passasiers by te staan.
