GO GEORGE wens alle inwoners en besoekers ‘n wonderlike en vreugdevolle vakansieseisoen saam met hul geliefdes toe. Alle GO GEORGE-dienste gaan voort regdeur die vakansie, en sal op Kersdag, 25 Desember, die Sondagskedule volg. Op die ander vakansiedae, 26 Desember 2017 en 1 Januarie 2018, ry die busse volgens die Saterdagskedule.
Hier sit die GO GEORGE passasiersdiensagente, uitgevat vir die feesseisoen, gereed om van hulp te wees in die GO GEORGE-inbelsentrum: voor is Wendy de Vos, en agter haar is van links, Nozandi Cwati, Lee-Ann Wiltshire en Gledene le Fleur, met hul kollegas Unati Xakata en Ferdie Geduld op die inlasfoto’s.
Die inbelsentrum neem dwarsdeur die vakansie van 05:00 tot 21:30, sewe dae per week, oproepe. Skakel die vriendelike personeel gerus by 0800 044 044.