Aanvullend tot hul leerplan oor openbare vervoer, het die leerders van die Le Bonhe’r-huisskool vir kinders met spesiale behoeftes hul gate uit geniet op ’n GO GEORGE-busrit na die Garden Route Mall-winkelsentrum. Dit was ook sommer maklik om van die skool in Standerstraat te loop na die naaste bushalte op Roete 24 wat vanaf die middedorp via Loeriepark na die Mall toe ry.
