GO GEORGE verwelkom versoeke van skole en kleuterskole om die GO GEORGE-busse van nader te leer ken en onder toesig saam te ry. Hierdie groep van Loerieland-speelskool kon hul opgewondenheid nie beteuel toe dit onlangs hulle beurt was nie. Belangstellendes wat groepritte wil organiseer, kan die GO GEORGE-inbelsentrum skakel (0800 044 044) en ʼn boodskap laat vir Marlene Quinot wat sal terugskakel.
Die Loerieland-personeel agter is, van links, Denise Isaacs (versorger), Petro Payne (onderwyseres), Carla van der Bergh (onderwyseres) en Charmaine Groves (hoof).
Opkomende leiers bespreek GO GEORGE-busse
Dié drie manne van Loerieland-speelskool was baie geïnteresseerd in die roetekaarte wat uitgedeel is tydens hul onlangse GO GEORGE-busrit. Hoewel die busmense gemeen het die inligting moet by Ma en Pa by die huis uitkom, het (van links) A J Hartman, Luhan van Greunen en Wiehan Classen soos wafferse raadslede die kaarte van alle kante – regop en onderstebo – bestudeer.
