Saterdag 21 Julie 2018, 07h15 – 11h30
Weens die sluting van ‘n gedeelte van Yorkstraat (tussen Cathedralstraat en die sirkel) vir die jaarlikse Madiba-wedloop, sal die Cathedral-bushalte voor die Arts Theatre ook gesluit wees vir die die duur van die wedloop. Die volgende busroetes sal herlei word:
- Alle roetes uit Pacaltsdorp in dorp toe:
Hierdie roetes sal regs draai in Hiberniastraat uit Yorkstraat uit, links in Meadestraat, regs in Courtenaystraat, van waar die normale roete gevolg sal word.
- Roete 56 (kloksgewys) Denneoord – CBD:
Die bus sal die normale roete volg met Markstraat langs tot in Yorkstraat, maar sal regs draai in Hiberniastraat pleks van tot by die sirkel te ry, links in Meadestraat, en links in Courtenaystraat van waar die normale roete gevolg sal word. Roete 56 R (antikloksgewys) word nie herlei nie.
Passasiers wat in die boonste deel van Yorkstraat moet op- of afklim word aangeraai om die Market-haltes voor die Poskantoor te gebruik.
