Alle GO GEORGE-dienste sal regdeur die vakansie voortgaan, met spesiale voorsiening vir kliënte en werknemers by die Garden Route Mall en Eden Meander-winkelsentrum waar verlengde besigheidsure geïmplementeer sal word.
Later busse by Garden Route Mall
Op weeksdae, van 17 tot 20 Desember asook op 23 en 27 Desember, sal die diens op Roete 12 Pacaltsdorp – Garden Route Mall uitgebrei word met ekstra ritte om passasiers te akkommodeer wat tot 19:00 sal werk tydens die feesseisoen. Die 19:00-rit word aangeskuif na 19:10, met nog twee ritte wat om 19:20 en 19:50 vertrek.
Openbare vakansiedae
Busse sal op 16 Desember en 1 Januarie volgens die Saterdagskedule loop. Op Kersdag, 25 Desember, sowel as op 26 Desember, sal die Sondagskedule gevolg word.
Enigiemand wat hulp benodig met ritbeplanning is welkom om die GO GEORGE-inbelsentrum by 0800 044 044 te skakel – die agente neem oproepe van 05:00 tot 21:30, sewe dae per week, regdeur die vakansieseisoen.