COVID-19 INPERKING VLAK 4: GO GEORGE-diens moet een uur vroeër eindig in die aand

Dit spyt GO GEORGE dat ‘n verdere verkorting van bedryfsure op vlak 4 gister ingestel moes word. Hierdie opdrag is Saterdagoggend van die Nasionale Departement ontvang, en bepaal dat ALLE PASSASIERS TEEN 19:00 AFGELAAI MOET WEES.

• Die laaste busse na die dorp vanaf vertrekpunte in Pacaltsdorp, Parkdene, Rosemoor en Blanco vertrek nou om 18:00,
• en van die middedorp (CBD) na hierdie gebiede om 18:30.

Dit is een uur vroeër as wat die geval op vlak 5 was.

Ons is deeglik bewus van die uitdagings wat dit vir passasiers en werkgewers veroorsaak en is in gesprek met die Nasionale Departement om hierdie veranderinge te hersien. Ons hoop om binne ‘n paar dae duidelikheid te hê.